~~ أحــــبك .... لو يمــــوت الحــــب

اسعد الله صباحكم مع مساااكم اعزائي

×××××


تخوفني مشاوير الطريق المظلم المهجور

وانا لا من ذكرتك قلت طولي يا مشاويري


عزاي انك رجاي العذب لو كل الدروب عثور

وصلت أو ما وصلت أعرفك ما انته بمنتظر غيري


حبيبي .. وكل الله لا تحسبني بليا شعور

لو أنت المستحيل الصعب ما ابدي لك معاذيري


أحبك .. لو يموت الحب وتصير القلوب قبور

أشوف الجرح يكبر وأنت تكبر وسط تفكيري


أحبك .. من هنا حتى طلوع الشمس حتى النور

صحيح أنك قدر محتوم بس أجمل مقاديري


أحد ربي يحطك له حبيب وما يجيه غرور

أنا ليه التفت للناس وعيونك جماهيري


هلا بك من قدمك لغرتك لشعرك المنثور

هلا في كل شي فيك وانت أغلا مساييري


ترى صدق الغلا يجبر حطام الخاطر المكسور

وأنا مهما منحتك من غلاي أشعر بتقصيري


ولو طالت مشاوير الطريق المظلم المهجور

أنا لا من ذكرتك قلت طولي يا مشاويري





رآقت لي أتمنى تروق لإحساسكم ..